|
Plaas media@liginduisternis.co.za in jou adresboek om te verseker dat jy hierdie e-pos ontvang. Indien hierdie e-pos nie reg vertoon nie, kyk na die aanlyn weergawe. |
03 - 2026 |
Woeker met dit wat God vir jou gegee het
In Matthéϋs 25 vertel Jesus die gelykenis van die talente. Een kneg ontvang vyf talente, ’n ander twee, en nog een slegs een. Dié wat hulle talente gebruik en vermeerderhet, word deur hul heer geloof: “Mooi so, goeie en getroue dienskneg!” Maar die een wat sy talent uit vrees begrawe het, het niks om te wys nie. Hy word deur die heer verwerp.
Hierdie gelykenis raak ons almal. God het elkeen van ons op ’n unieke manier met gawes geseën, of dit nou ’n vaardigheid, ’n kreatiewe gawe, ’n liefde vir mense, of ’n hart vir gebed is. Geen gawe is te klein nie, en geen gawe is bedoel om nutteloos te lê nie.
Die apostel Petrus skryf in 1 Petrus 4:10: Namate elkeen ’n genadegawe ontvang het, moet julle mekaar daarmee dien soos goeie bedienaars van die veelvuldige genade van God. Ons gawes is dus nie net vir onsself nie. Dit is gegee om ander te seën en God te verheerlik.
Miskien voel jy dat wat jy het, nie veel werd is nie. Maar onthou: God gebruik nie die bekwaamste mense nie. Hy bekwaam dié wat Hy gebruik. Die vraag is net of ons bereid is om ons hande uit te steek en te sê: “Hier is ek, Here. Gebruik my.”
|
Gebeure |
|
Lig in Duisternis Uitgewers stel ’n Hemelvaartmanifes bekend 
|
|
|
Lig in Duisternis Uitgewers stel ’n landswye veldtog bekend rondom die hemelvaart van Christus, met ’n openbare manifes wat alle Christene, skole, gemeentes, organisasies en owerhede oproep om die Koningskap van Jesus Christus openlik te erken en prakties te eer. Die veldtog, wat ’n aanlyn petisie en ’n aflaaibare manifes insluit, het ten doel om bewusmaking te skep oor die betekenis van Hemelvaartdag in die openbare lewe van Suid-Afrika. Ds. Schalk Strauss, publikasiehoof van Lig in Duisternis Uitgewers, verduidelik die motivering agter die veldtog: “Die hemelvaart van Christus is nie ’n klein liturgiese fees vir vrome mense nie. Dit is die grootste troonsbestyging in die geskiedenis. Wanneer ons Hemelvaartdag stilmaak of van ons openbare kalenders verwyder, is dit nie neutraliteit nie. Dit is ’n keuse teen die erkenning van die ware Koning.” Die manifes, getiteld Die hemelvaart van Christus: ’n Openbare belydenis van troonheerskappy , is gegrond in die Skrif en die Drie Formuliere van Eenheid en spreek vyf kernwaarhede aan: Die troonsbestyging van Christus as die grootste gebeurtenis in die geskiedenis, die politieke en openbare aard van Hemelvaart, die mandaat wat Hemelvaart aan die kerk gee, die bevestiging van die waarde van menswees en die krag van gebed wat in Christus se hemelvaart geanker is. “Ons sien ’n toenemende tendens waar Hemelvaartdag uit skole, instellings en die openbare bewussyn verdwyn,” aldus Strauss. “Maar die kerk kan nie hieroor stilbly nie. Jesus Christus het die troon bestyg. Hy regeer nou oor alle dinge. Dit is ’n werklikheid wat ons openbaar en herhaaldelik en sonder verontskuldiging moet bely.” Die veldtog rig homself spesifiek op vier teikengroepe: Kerke en gemeentes wat Hemelvaartdag amptelik wil vier en die manifes wil gebruik as grondslag vir prediking en gemeentelike betrokkenheid; skole en opvoeders wat Hemelvaartdag op hul kalenders en in skoolprogramme wil herstel; gesinne wat die dag bewustelik as ’n geloofsdaad wil vier; organisasies en leiers wat openbare standpunt inneem rondom die Koningskap van Jesus Christus. Strauss benadruk dat die veldtog meer is as ’n eenmalige geleentheid: “Ons hoop dat hierdie manifes ’n beweging sal begin, nie ’n beweging van mense nie, maar ’n herbevestiging van die ewige waarheid: Jesus Christus is Here. Aan Hom behoort die heerskappy, die mag en die heerlikheid, nou en vir ewig. Ons roep elke gelowige, elke gemeente en elke instelling op om dit hardop te sê.” Die manifes is gratis beskikbaar as ’n aflaaibare PDF op die veldtogwebblad, en die aanlyn petisie is nou oop vir ondertekening. Hierdie petisie sal uiteindelik aan verteenwoordigers in die regering gestuur word. Laai die manifes hier af. |
|
Lig in Duisternis Uitgewers inisieer skryfkursus
Ds. Schalk Strauss, publikasiehoof van Lig in Duisternis Uitgewers, het by ’n skryfkursus wat op 28 Januarie by die AP Akademie aangebied is, algemene skryfwenke en riglyne gegee oor belangrike slaggate wat skrywers behoort te vermy.
Kyk hier.
Lig in Duisternis Uitgewers kan by jou uistalling wees!
Lig in Duisternis Uitgewers kom na jóú toe!
Ons is passievol oor ons roeping om Christelike literatuur en geskenke vir elke gemeenskap toeganklik te maak. Of dit nou ’n kerkbasaar, ’n kultuurnaweek, ’n sportdag, ’n skoolbyeenkoms of enige ander gemeenskapsgeleentheid is – ons is gereed en gretig om deel daarvan te wees.
By ons uitstalling bied ons ’n verskeidenheid van ons toonaangewende Christelike publikasies, boeke, Bybels en inspirerende geskenke aan. Alles werk saam om geloof te versterk, harte aan te raak en lewens te verander. Ons bring nie net produkte nie – ons bring ’n boodskap van hoop.
Enige individu, organisasie, skool, gemeente, sportklub of kultuurvereniging wat ’n openbare funksie reël, is welkom om ons te kontak. As jy glo dat ons teenwoordigheid waarde sal toevoeg en ’n verskil sal maak, wil ons graag van jou hoor.
In ’n veranderende wêreld waar die Christendom baiekeer die stiefkind is, is dit noodsaaklik dat kwaliteit Christelike leesstof en geskenke nie net in boekwinkels nie, maar altyd byderhand is. Saam kan ons sorg dat die regte boodskap op die regte tyd die regte mense bereik.
Kontak ons vandag om meer uit te vind oor hoe ons jou geleentheid kan bywoon en verryk. Ons sal saam met jou reëlings tref om alles vlot en professioneel te laat verloop.
|
Redakteursforum Ds. Schalk Strauss, publikasiehoof van Lig in Duisternis Uitgewers en redakteur van die AP Kerk se kerkblad, Die Boodskapper, gesels met Liezil van der Schyff van PretoriaFM op Redakteursforum oor die jongste uitgawe van Die Boodskapper.
|
|||
|
|
|
Luister ook na die gesprek oor die publikasie, Gemaak vir ’n tyd soos hierdie: ’n Kommentaar op die boek Ester . Bestel jou kopie hier .
|
Die Boodskapper
Lees hier om te sien wat die toepassing jou alles bied.
Laai gerus die toepassing by Google Play Store of Apple App store af.
|
Winskopies |
|
Saam met die seisoenverandering kom daar heerlike winskopies. Moet nie April se winskopies misloop nie. |
|
|
|
|
|
|
|
|
|
Dagboek |
|
23 APRIL: Wêreldboekedag |
|
Skrywer van die maand |
|
|
|
Handelaarsregistrasie |
|
|
|
Lees … enige plek, enige tyd! |
|
|
|
Taalwenk van die Maand |
|
|
|
Skryf ʼn resensie |
|
|
|
|
|
|
|
|