Plaas media@liginduisternis.co.za in jou adresboek om te verseker dat jy hierdie e-pos ontvang. Indien hierdie e-pos nie reg vertoon nie, kyk na die aanlyn weergawe.

04 - 2026

Die hart van God

Moederskap is een van die kragtigste beelde wat God gebruik om sy eie hart teenoor ons te beskryf. Dit is nie toevallig nie. In ’n moeder se liefde sien ons iets van God self: die sorg, die opoffering, die volharding, die liefde wat nie moed opgee nie.

In Mei vier ons moederskap in al sy vorme.

Ons dink aan Hanna, wat in trane voor die HERE neergekniel het en haar hart voor Hom oopgemaak het. Haar gebed was ’n daad van geloof, en God het haar nie teleurgestel nie. Hy het aan haar gedink (vgl. 1 Sam. 1:19). Sy het ontvang wat sy nie self kon gee nie, en sy het dit teruggegee aan die Een wat dit geskenk het.

Ons dink aan Rut, wat nie haar moeder was nie, maar wie se trou teenoor Naómi die hart van ’n moeder weerspieël het: Want waar u gaan, sal ek gaan; en waar u vertoef, sal ek vertoef (Rut 1:16). Sy herinner ons dat moederlike liefde soms ’n keuse is, ’n bewuste besluit om by iemand te bly en vir hom/haar te sorg.

Ons dink aan Maria, ’n jongvrou wat “ja” gesê het vir ’n roeping wat sy nie ten volle kon begryp nie. Sy het die Seun van God in die lewe gebring, grootgemaak, en uiteindelik laat gaan. Haar hart is deur smart deurboor (vgl. Lk. 2:35), maar sy het volgehou in geloof.

Maar hierdie dag gaan nie net oor moeders nie.

Dit gaan oor elke vrou wat al vir iemand anders gebid het soos ’n moeder sou bid. Dit gaan oor diegene wat verlies gely het, wat wag, wat versorg sonder dat dit erken word. Dit gaan oor tantes, onderwyseresse, vriendinne en geestelike moeders wat die lewe van ander gevorm het sonder dat hulle ooit “Ma” genoem is.

God self gebruik die beeld van ’n moeder om sy liefde te beskryf: Soos iemand wat deur sy moeder getroos word, so sal Ek julle troos (Jes. 66:13).

Hy sien jou. Hy ken jou las. En sy liefde vir jou is selfs groter as die mooiste moederliefde wat ons kan ken.

Hierdie Moedersdag wil ons God dank vir elke vrou wat die hart van die Here weerspieël.

Gebeure

Teken vandag die Hemelvaartpetisie

Lig in Duisternis Uitgewers het in April ’n Hemelvaartveldtog van stapel gestuur. Die veldtog fokus op die hemelvaart van Christus, met ’n openbare manifes wat alle Christene, skole, gemeentes, organisasie en owerhede oproep om die Koningskap van Jesus Christus openlik te erken en prakties te eer.

’n Aanlyn petisie en aflaaibare manifes is deel van die veldtog en het ten doel om bewusmaking te skep oor die betekenis van Hemelvaartdag in Suid-Afrika. Die petisie sal uiteindelik aan verteenwoordigers in die regering gestuur word.

Laai die manifes hier af en teken die petisie indien u nog nie het nie.

Geskenkidee vir Moedersdag

Bederf die ma in jou lewe met ’n Dek die tafel-resepteboek. Hierdie publikasie is ’n versameling keurresepte van Ons Tuis se inwoners. Dit sal lesers op ’n nostalgiereis neem waar “smaakvolle maaltye” ’n heel nuwe betekenis kry.

Plaas jou bestelling teen slegs R250.

Uitstalling

Lig in Duisternis Uitgewers het Wêreldboekedag op 23 April gevier deur by CVO Skool Pretoria uit te stal. Dit was lekker om te sien dat die jeug ook geesdriftig oor boeke en lees is.

In die media

Op die lug saam met Radiokansel

Luister hier na ds. Schalk Strauss se gesprek met aanbieder, Christine Ferreira op Radiokansel oor Gebore vir ’n tyd soos hierdie: ’n Kommentaar op die boek Ester.

Luister hier ▶

Insig rondom die Hemelvaartmanifes op RSG

Luister hier na die gesprek tussen ds. Schalk Strauss en Lizelle de Bruin op RSG Binnekamer oor die Hemelvaartdagveldtog wat onlangs afgeskop het.

Luister hier ▶

Redakteursforum

Ds. Schalk Strauss, publikasiehoof van Lig in Duisternis Uitgewers en redakteur van die AP Kerk se kerkblad, Die Boodskapper, gesels met Martin Jansen van PretoriaFM op Redakteursforum oor die jongste uitgawe van Die Boodskapper.

Luister hier.

Luister hier ▶

Die Boodskapper

Lees hier om te sien wat die toepassing jou alles bied.

Laai gerus die toepassing by Google Play Store of Apple App store af.

Winskopies

Mei se winskopies bied ’n genotvolle verskeidenheid.

Dagboek

8 MEI: Afrikaans is 101 jaar oud
10 MEI: Moedersdag
14 MEI: Hemelvaartdag

Skrywer van die maand

Prof. Izak Brink matrikuleer aan die Hoërskool Pretoria-Wes. Nadat hy aanvanklik regte aan die Universiteit van Pretoria studeer het, word hy deur die Here tot die bediening geroep. Hy voltooi sy teologiese opleiding aan die Universiteit van Suid-Afrika en die Universiteit van Pretoria. Daarna is hy as predikant in die NG Kerk bevestig en dien in die gemeentes Lyttelton‑Noord en Kloofsig. In 1988 sluit hy by die Afrikaanse Protestantse Kerk aan en word as leraar van die AP Kerk Carolina bevestig. Vanaf 1995-2005 dien hy as hoogleraar in Diakoniologie aan die Afrikaanse Protestantse Akademie. Hy verwerf sy MTh-graad aan die Universiteit van die Vrystaat. Vanaf 2005‑2016 dien hy as die AP kerkverband se Direkteur van Kerkadministrasie.

Bestel Die noodsaaklike vernuwing van die erediens.

Bestel Die Woord in die hart – Deel 1-3 hier.

Handelaarsregistrasie

Verdien ʼn ekstra geldjie met Lig in Duisternis Uitgewers se handelaarsregistrasie.

Registreer as ʼn handelaar op ons webwerf en kry 15%-30% afslag op ons publikasies. Jy kan die publikasies teen die winkelprys verkoop en die handelaarsafslag as wins in jou sak steek.

Moenie hierdie geleentheid laat verbygaan nie. Klik hier.

Lees … enige plek, enige tyd!

Ons het ʼn verskeidenheid publikasies wat as e-boeke op Amazon beskikbaar is.

Laai gerus die Kindle-toep op jou selfoon, rekenaar of tablet af om ons verskeidenheid e-boeke te lees.

Klik hier om jou e-boekversameling aan te vul.

Taalwenk van die Maand

Al klink “op soek” en “opsoek” presies dieselfde wanneer jy dit hardop sê, is dit twee aparte begrippe met twee verskillende betekenisse.

“Op soek” (twee woorde) beskryf die soeke na iets wat weg, vermis of verlore is. Jy is op soek na jou sleutels, ’n verdwaalde kind, of ’n antwoord wat jou ontwyk. Daar is ’n gevoel van verlies of afwesigheid.

“Opsoek” (een woord) beteken om iets doelbewus na te vors of te raadpleeg, iets wat bestaan en gevind kan word. Jy soek iets op in ’n woordeboek, ’n databasis, of ’n ensiklopedie.

Die verskil is subtiel maar sinvol: by op soek weet jy nie waar die ding is nie; by opsoek weet jy waar om te kyk.

Twee voorbeelde wat dit duidelik maak:

  1. Sy is op soek na haar verlore kat.
  2. Hy het die woord in die woordeboek opgesoek.

Die volgende keer as jy twyfel, vra jouself af of iets vermis word, en of dit nagevors word, dan weet jy watter een om te gebruik.

Skryf ʼn resensie

Ons waardeer elke stem en elke stukkie terugvoer wat ons van ons lesers ontvang. Ons moedig jou graag aan om jou ervaring met ons te deel. Terugvoer dien as inspirasie en bemoediging vir ons hele span. Ons wil graag van jou hoor. Laat gerus vir ons ʼn resensie op ons webblad.

Jy kan ʼn Lig in Duisternis-geskenkbewys per e-pos vir iemand stuur! Koop jou geskenkbewys hier en bederf iemand op ʼn spesiale manier.