|
Plaas media@liginduisternis.co.za in jou adresboek om te verseker dat jy hierdie e-pos ontvang. Indien hierdie e-pos nie reg vertoon nie, kyk na die aanlyn weergawe. |
08 - 2026 |
Nogtans sal ek jubel
Daar is ’n gedeelte in Hábakuk 3 wat al vir eeue lank mense in donker tye aan hoop laat vashou. Die profeet skryf van ’n tyd wanneer alles skeefloop: Die vyeboom wat nie bot nie, die wingerdstok sonder druiwe, die akkers wat leeg bly en die skaapkraal sonder vee. Met ander woorde, elke rede om moedeloos te wees is teenwoordig. Niks werk uit soos verwag nie, en die mens staan met leë hande.
En tog, midde-in daardie leegheid, kies Hábakuk om te sing. Hy skryf in Hábakuk 3:18 dat hy hom nogtans sal verbly in die HERE, dat hy sal jubel in die God van sy heil. Nie omdat die omstandighede verander het nie, maar omdat sy hoop op iets anders as die omstandighede gerus het.
Ons staan nou op die drumpel van ’n nuwe seisoen. Die winter, met sy kaal takke en koue nagte, lê agter ons. Die lente kom, met dit die belofte van nuwe groei, sagte groen blare en lewe wat weer uit die grond opstaan. Dit is asof die aarde self vir ons vertel wat Hábakuk lank gelede geweet het: Die kaal seisoen is nooit die einde van die storie nie.
Mag hierdie lente vir u ’n herinnering wees dat groei weer kom en dat vreugde nie hoef te wag vir volmaakte omstandighede nie. Soos Hábakuk gekies het om te jubel voor die opbrengs sigbaar was, kan ons ook nou al die hoop omhels wat met die nuwe seisoen saamkom.
|
Algemeen |
|
Nuwe dokumentêre reeks Vaste Fondamente is ’n dokumentêr oor die vroeë Christelike kerk in Klein-Asië. Oor elf episodes word Bybelse insig, geskiedkundige konteks en ’n belewenis van Turkye saamgevoeg sodat gelowiges die erfenis van die vroeë kerk opnuut kan waardeer en self met groter sekerheid op die vaste fondamente van die Christelike geloof kan staan. Die reeks is vanaf 28 Augustus beskikbaar by Lig in Duisternis Produksies en AfriForumTV. Kyk die voorskou hier.
|
Vennote
Een van die inisiatiewe as bydrae tot die gemeenskap waarin Lig in Duisternis Uitgewers funksioneer, is sy ondersteuningsinisiatief. Wanneer u op sy webblad aankope doen, kry u die opsie om R10 vir een van die organisasies te skenk. Hierdeur wys die uitgewery sy dankbaarheid aan hulle wat ’n verskil maak.
Nuwe publikasies
|
Eva in ballingskap: Die herstel van vroulikheid Lig in Duisternis Uitgewers vier Vrouemaand met die publikasie van Eva in ballingskap: Die herstel van vroulikheid, die Afrikaanse vertaling van Rebekah Merkle se Eve in Exile. Die boek is teen R220 beskikbaar. Merkle ondersoek hoe feminisme vroue se verstaan van hulself en hul rolle raak. Die publikasie toon vanuit die Skrif die regte pad aan waar vroue hul roeping in die huis, gesin en samelewing met oortuiging kan omhels. Ds. Schalk Strauss, Publikasiehoof van die uitgewery, sê die tydsberekening was doelbewus: Die boek bied ’n Skriftuurlike antwoord op vrae oor vroulikheid wat juis deur Vrouemaand na vore gebring word. Die oorspronklike Engelse uitgawe is sedert 2016 wêreldwyd deur duisende lesers gelees. |
|
Pietie die “padda” Lig in Duisternis Uitgewers kondig die publikasie van Pietie die "padda", ’n nuwe kinderboek geskryf deur Pieter van Deventer, met illustrasies deur Ester Koning, aan. Die boek is nou teen R150 beskikbaar. ’n Engelse weergawe, Freddy the "frog", is ook beskikbaar. Die storie vertel van Pietie, ’n hasie wat glo dat hy eintlik ’n padda is, ten spyte daarvan dat sy maatjie Hettie hom probeer oortuig dat hasies nie paddas kan wees nie. Deur hierdie verhaal word kinders en ouers genooi om saam na te dink oor identiteit, waarheid en God se skeppingsorde. Van Deventer sê hy wou ’n storie skryf wat kinders help verstaan dat waarheid oor wie ons is nie deur gevoelens bepaal word nie, en dat Pietie en Hettie se avontuur dit vir gesinne moontlik maak om op ’n toeganklike manier hieroor te gesels. Die boek sluit ook ’n gids vir ouers in. Dit bevat riglyne en gespreksvrae om die gesprek tuis te vergemaklik. |
|
Die apie wat nie groente wou eet nie bekendgestel by Kleutergenot Die tweede boek in die Apie-reeks, Die apie wat nie groente wou eet nie, deur Marjan van de Kamp is op 26 Augustus by Kleutergenot Kleuterskool bekendgestel. Die kleuters is vermaak met ’n verskyning van Apie self en hulle het heerlik saamgesing aan die groenteliedjie. Marjan het vir hulle voorgelees waarna hulle krone met groente op ingekleur het. Die meeste het belowe dat hulle van nou af met nuwe oë na groente sal kyk! Die apie wat nie groente wou eet nie is beskikbaar vir slegs R150.Redakteursforum Ds. Schalk Strauss, Publikasiehoof van Lig in Duisternis Uitgewers en Redakteur van die AP Kerkverband se kerkblad, Die Boodskapper, gesels met Liezil van der Schyff van Pretoria FM op Redakteursforum oor die jongste uitgawe van Die Boodskapper. Luister hier.
|
|||
|
|
Die Boodskapper
Lees hier om te sien wat die toepassing jou alles bied.
Laai gerus die toepassing by Google Play Store of Apple App store af.
|
Winskopies |
|
September se winskopies is soos ’n vars briesie: |
|
|
|
|
|
|
|
|
|
Dagboek |
|
31 Augustus tot 4 September 2026: Die AP Kerkverband se sinodesitting. Ons boekwinkel verskuif vir die duur van die Sinode na APK Wonderboom te die h/v Daan de Wet Nel-rylaann en 7de-laan, Hesteapark, Akasia, Pretoria. |
|
Skrywer van die maand |
|
|
|
Uittreksel van die maand |
|
|
|
Borg ’n Boek by Lig in Duisternis Uitgewers |
|
|
|
Handelaarsregistrasie |
|
|
|
Lees … enige plek, enige tyd! |
|
|
|
Taalwenk van die Maand |
|
|
|
Skryf ʼn resensie |
|
|
|
|
|
|
|
|