Plaas media@liginduisternis.co.za in jou adresboek om te verseker dat jy hierdie e-pos ontvang. Indien hierdie e-pos nie reg vertoon nie, kyk na die aanlyn-weergawe.

Junie 2022

Winter – die goed en die sleg

Die eerste gedagte wat by die meeste Suid-Afrikaners opkom as jy die woord “Julie” hoor, is koue! As jy in die Oos-Vrystaat bly, dink jy aan gebarste geisers en die Kapenaars dink aan reën. Wanneer jy dalk hierdie tyd van die jaar in KwaZulu-Natal ʼn draai maak, sien jy dadelik wie die ouens van Gauteng, Noordwes en Limpopo is – dis die mense met kortbroeke en hemde met kort of geen moue!
Wanneer die winter aan jou lyf raak, kan pyne skielik baie erger raak en met al die lekker sop, warm drankies en minder oefening is ʼn ekstra kilo of drie amper onvermydelik.

Almal kla egter nie oor die winter nie. Inteendeel, sommiges floreer hierdie tyd van die jaar! Verkope van gas, verwarmers, warm klere, wintersbeddegoed en vitamiene is maar ʼn paar voorbeelde. Woolworths kan nie voorbly om sop uit te pak nie en Old Brand Sherry se verkope skiet die hoogtes in!

Winter, ryp en koue is goed én sleg. Wanneer ons dit deurtrek na ons geestelike lewe is daar ook winters én somers. Tye van groei en hoop, en dan ook tye van moedeloosheid.

Ons kry egter die volgende gerusstelling in Josua 1:5-6: “...Ek sal jou nie begewe en jou nie verlaat nie. Wees sterk en vol moed...”

Beleef jy tans winter in jou hart? Hou moed en hou vas aan God se beloftes!

En diegene onder ons wie se harte tans somer beleef? Laat ons doen wat 1 Thessalonicense 5:11 sê: “Daarom, bemoedig mekaar en bou die een die ander op...”

Mag jou winter tydelik wees en mag jy weer vir iemand anders somer bring.

 

ONS SIEN UIT NA:

Verootmoedigingsondag, in sak en as voor die lewende God

Sondaars in die hand van ʼn toornige God is gedurende April uitgegee nadat ds. Schalk Strauss dit vertaal het. Lig in Duisternis skop vandeesmaand ʼn veldtog af waarin gemeentes aangemoedig word om hierdie boek aan te koop en dan op 24 Julie te preek. Verootmoedigingsondag, in sak en as voor die lewende God dien astema van die veldtog waar ons alle gemeentes, ongeag van kerkverband, uitnooi om in opregte berou voor God te kom buig.

Kyk gerus hier na ons bemarkingsvideo.

Skaf jou boek op ons webwerf aan, of koop die e-boek op Amazon.

Daar sal in Julie ʼn aanlyn boekbespreking oor Sondaars in die hand van ʼn toornige God gehou word.

Luister hier na die onderhoud met ds. Schalk op Radio Kansel.

DIT HET GEBEUR

Kareedouw

Lig in Duisternis se Christelike boekwinkel het in Junie sy deure in Kareedouw geopen. Die boekwinkel het op ʼn baie hoë noot afgeskop toe die heel eerste transaksie van die dag die verkope van ʼn 100 Bybels was met die doel om uit te deel.

Seën word julle toegewens. Mag elke boek wat verkoop word in die regte hande beland en ʼn verskil maak.

 

Toer na die noorde

Ds. Schalk het gedurende Junie ʼn paar gemeentes in Limpopo besoek. Die reaksie was baie positief en boekverkope was ʼn reusesukses tydens hierdie besoek.

 

Konsentrasiekampdag

16 Junie word jaarliks as Konsentrasiekampdag herdenk. Die plasing op sosiale media het vanjaar uitsonderlike groot reaksie uitgelok. In die kwessie van ʼn week het hierdie advertensie meer as 35 000 mense bereik en is dit byna 550 keer gedeel!

Deel gerus ons sosialemediaplasings om Lig in Duisternis te help bemark en ons boodskap van “Kyk hoër, delf dieper, sien meer” uit te dra.


Oorweeg só ʼn geskenk

Het jy geweet jy kan ʼn Lig in Duisternis-geskenkbewys vir iemand per e-pos stuur?

Koop jou geskenkbewys hier en bederf iemand op ʼn spesiale manier.

SPESIALE AANBIEDINGE

Winskopies vir Julie