Triomfmars en Treurlied

Beskrywing

Tussen die pole van die triomf van die Britse magte en die neerlaag van die twee klein Boererepublieke lê ‘n hele spektrum van menslike emosies. In die musiek wat hier opgeneem is, kry ‘n klein deeltjie van die uiteenlopende stemming hul neerslag. Die werke van die Britse komponiste is meestal opruiende marse en vrolike danse. Daar is ook Nederlandstalige liedere, wat grotendeels ernstig is, soos byvoorbeeld Kruger’s Geloof en Bede. Die bundel sluit hoofsaaklik klaviersolo’s en klavierbegeleide sangsolo’s in, wat dit geredelik toeganklik vir kore en soliste maak.