Een man en een vrou

Beskrywing
Resensies (0)
Amazon E-boek

Beskrywing

Wat leer die Bybel oor seksuele verhoudings tussen persone van dieselfde geslag? Verg opregte liefde dat ons alle vorme van seksuele uitdrukking aanvaar? Nee, ware liefde verheug dit nie in die sonde nie, maar in die waarheid. In die Bybel openbaar God dat Hy geslag, seksualiteit en die huwelik geskep het en dat ons dit nie volgens ons eie wil mag verander nie. In sy wette en historiese handelinge het God dit duidelik gemaak dat homoseksuele praktyke sy heilige doel met die mensdom skend. Die Nuwe Testament herbevestig God se skeppingsorde en morele wette. Dit waarsku ook dat homoseksuele praktyke, soos enige ander gekoesterde sonde, tot God se oordeel lei. Tog red die Here Jesus Christus sondaars deur sy Gees en skenk aan hulle ’n nuwe identiteit, vergifnis, lewe en die krag om volgens sy gebooie te leef. Dít is die boodskap wat alle mense moet hoor: God se wette het nie verander nie, maar sy genade bied hoop aan sondaars deur Jesus Christus. “Christene wat met ongewenste homoseksuele begeertes worstel, sal in hierdie boek liefdevol herinner word aan die beloftes wat eenheid met Christus inhou midde hul stryd teen inwonende sonde. Ouers van volwasse kinders wat as gay of lesbies identifiseer, sal beter verstaan hoe om na die onderskeidende woorde van die Skrif te luister terwyl hulle hul gebede ter wille van hul kinders ten hemele rig. En alle Christene sal beter toegerus wees om te verstaan en te verdedig waarom die God wat ons geskep het, die eksklusiewe reg het om te bepaal wat dit beteken om manlik en vroulik te wees, en waarom die Bybelse huwelik ’n skeppingsordonnansie is en daarom ’n heerlike instelling wat God tot sy eer en ons heil gemaak het.” – Rosaria Butterfield, skrywer van The Secret Thoughts of an Unlikely Convert en Openness Unhindered: Further Thoughts of an Unlikely Convert on Sexual Identity and Union with Christ.